Home / World / امریکی وزیردفاع نے پاکستان آنے سے پہلے ہی ڈو مور شروع کردیا

امریکی وزیردفاع نے پاکستان آنے سے پہلے ہی ڈو مور شروع کردیا

امریکی وزیردفاع جیمزمیٹس نے دورہ پاکستان سے قبل ہی ڈومور شروع کردیا۔
امریکی وزیردفاع جیمس میٹس کل پاکستان پہنچیں گے۔ بحیثیت وزیر دفاع جیمز میٹس کا یہ پہلا دورہ پاکستان ہے جس کے دوران اعلیٰ حکام سے ملاقاتوں میں جنوبی ایشیا سے متعلق امور زیربحث آئیں گے۔
امریکی وزیردفاع جیمزمیٹس نے اپنے ایک بیان میں کہا ہے کہ پاکستان سے مشترکہ مفادات سے متعلق تعاون بڑھانا چاہتے ہیں، خواہش ہے کہ افغانستان میں مصالحتی عمل میں کردارادا کریں، پاکستان سے تعلقات کو فروغ دینا چاہتے ہیں تاہم دہشت گردوں کے خلاف کارروائی کرنا پاکستان کے مفاد میں ہے۔
اس خبرکوبھی پڑھیں: امریکی وزیرخارجہ کا پاکستان سے ایک بار پھر ڈومور کا مطالبہ
امریکی وزیردفاع کا کہنا تھا کہ پاکستانی رہنما کہتے ہیں کہ وہ دہشت گردی کی حمایت نہیں کرتے لیکن دہشت گردی کی حمایت نہ کرنا پاکستان کی پالیسی اورعمل سے بھی ظاہرہونا چاہیے اورپاکستان کے بہترین مفاد میں ہے کہ وہ دہشت گردوں کے محفوظ ٹھکانوں کے خلاف کارروائی کرے۔
دورے کے دوران امریکی وزیردفاع جیمزمیٹس، وزیر اعظم شاہد خاقان عباسی اور آرمی چیف جنرل قمر جاوید باجوہ سے ملاقات کریں گے اور خطے کی سیکیورٹی، امن وامان کی صورتحال سمیت افغانستان تنازعات اور دو طرفہ امور پر بھی بات کی جائے گی۔

Check Also

بابری مسجد شہید کرنے والے سکھ نے قبول اسلام کے بعد 90 مساجد بنا دیں

نئی دہلی: بابری مسجد کو شہید کرنے والے سکھ نے قبول اسلام کے بعد 90 ...

Leave a Reply

%d bloggers like this: