Home / Tech / آگ برسی آسماں سے

آگ برسی آسماں سے

علم طبیعیات میں گرمی یا حرارت کو توانائی کی ایک ایسی شکل قرار دیا جاتا ہے جو درجۂ حرارت میں تبدیلی کی وجہ سے ایک جسم یا نظام سے دوسرے جسم یا نظام تک منتقل ہوتی ہے۔
حرارت یا گرمی کیا ہوتی ہے؟ یہ اصل میں کسی جسم میں موجود خردبینی ذرات یعنی ایٹمز اور مالیکیولز وغیرہ کی حرکت کے باعث موجود یا پیدا ہونے والی توانائی کو کہا جاتا ہے۔ اسے انگریزی حرف Q کی علامت سے ظاہر کیا جاتا ہے۔ جب دو نظاموں یا اجسام میں سے ایک جسم یا نظام کا درجۂ حرارت کم اور دوسرے کا زیادہ ہوجائے تو حرارتی توانائی زیادہ درجۂ حرارت والے نظام یا جسم سے کم درجۂ حرارت والے نظام یا جسم کی طرف منتقل ہونے لگتی ہے۔ اس عمل کو انتقال حرارت یا ایصال حرارت کہا جاتا ہے۔
حرارت اور درجۂ حرارت میں ایک خاص فرق ہے جو عام لوگ محسوس نہیں کرپاتے۔ وہ یہ کہ درجۂ حرارت کسی جسم میں موجود ذروں کی اوسط حرکی توانائی کا پیمانہ ہے، جب کہ حرارت ذروں کی کل حرکی توانائی ہے۔ یعنی اگر ہمیں کسی جسم کا درجۂ حرارت اور اس میں موجود ذروں کی تعداد معلوم ہو تو دونوں مقداروں کو ضرب دینے سے اس جسم کی کل حرارتی توانائی حاصل ہو جائے گی۔

Check Also

چینی کمپنی کا سعودی عرب میں ڈرون ٹیکسی چلانے کا منصوبہ

ریاض: فلائنگ ٹیکسی بنانے والی چینی کمپنی نے کہا ہے کہ پہلی ڈرون ٹیکسی سال ...

Leave a Reply

%d bloggers like this: