Home / Entertainment / بھارتی دوشیزہ مانوشی چھیلر مس ورلڈ منتخب

بھارتی دوشیزہ مانوشی چھیلر مس ورلڈ منتخب

بیجنگ: 20 سالہ بھارتی دوشیزہ مانوشی چھیلر نے ملکہ عالم کا تاج اپنے سر پر سجا لیا۔
چین کے شہر سائنا میں عالمی مقابلہ برائے ملکہ حسن منعقد ہوا جس میں دنیا بھر کی 108 حسیناؤں نے حصہ لیا تاہم 20 سالہ مانوشی چھیلر کو حسینہ عالم منتخب کیا گیا۔ انہیں گزشتہ برس کی ملکہ حسن اسٹیفنی ڈیل ویلے نے تاج پہنایا۔ تاج پوشی پر مانوشی بھی روایتی انداز میں جذباتی ہوگئیں اور ان کی آنکھوں سے آنسو چھلک پڑے۔
20 سالہ مانوشی مس ورلڈ کا اعزاز پانے والی پانچویں بھارتی حسینہ ہیں اس سے قبل ایشوریا رائے، ،ڈائنا ہیڈن ، یکتا موکھے اور پریانکا چوپڑا مسِ ورلڈ کا تاج اپنے سر سجا چکی ہیں۔
یہ خبر بھی پڑھیں: پریانکا جب “مس ورلڈ” بنی اس وقت میں اسکول پڑھتی تھی
تاج پوشی کے بعد مانوشی نے کہا ہے کہ انہیں ابھی تک یقین نہیں ہورہا کہ وہ مس ورلڈ کا مقابلہ جیت چکی ہیں،بطور پانچویں بھارتی حسینہ عالم بننا میرے لیے خوشی اور ملک کے لیے باعث ِ فخر ہے، میں اس کامیابی پر بے حد خوش اور اپنی فیملی سمیت ان دوستوں اور چاہنے والوں کی شکرگزار ہوں جنہوں نے میرے یہاں تک کے سفر میں ساتھ دیا۔

Check Also

اکشے کمار کی فلم ’’پیڈمین‘‘پر پاکستان میں پابندی

لاہور: نامور بالی ووڈ اداکار اکشے کمار کی سماجی موضوع پر مبنی فلم’’پیڈمین‘‘پر پاکستان میں ...

Leave a Reply

%d bloggers like this: