Home / Business / تیل ٹینکرز کے کرایوں میں 64 فیصد تک اضافہ کر دیا گیا

تیل ٹینکرز کے کرایوں میں 64 فیصد تک اضافہ کر دیا گیا

کشمیر، گلگت بلتستان اور دیگر پہاڑی علاقوں کیلئے تیل کی ترسیل کیلیے اس نوٹفیکیشن کا اطلاق نہیں ہو گا۔ فوٹو: فائل
اسلام آباد: اوگرا نے تیل کی ترسیل کیلیے آئل ٹینکرزکے کرایوں میں اضافے کا نوٹیفکیشن جاری کردیا۔
مقامی روٹ کے کرایے میں 64 فیصد اور لانگ روٹ کے کرایے میں20 فیصد اضافہ کیا گیا ہے جب کہ کرایوں میں اضافے کااطلاق یکم نومبرسے ہو گا۔
اوگرا اور آئل ٹینکرز ایسوسی ایشن کے درمیان آئیل ٹٰینکرز کے کرایوں میں اضافے پر اتفاق چند ہفتے قبل ہوا تھا تاہم اوگرا کی جانب سے نوٹیفکیشن جاری نہ کرنے پرآئل ٹینکرز ایسوسی ایشن نے ہڑتال کی کال دی ہوئی تھی جوکام کر گئی اوراوگرانے نوٹیفکیشن جاری کر دیا۔
نوٹیفکیشن کے مطابق 137کلومیٹرتک کے پہلے سلیب کیلیے تیل کی ترسیل کے کرایے میں 140روپے اضافے کے ساتھ 219 روپے سے بڑھا کر 360 روپے، 148 کلومیٹر سے 560 کلومیٹر تک کے سلیب کیلیے موجودہ ریٹ میں 20 ٖفیصداضافہ کر دیا گیا ہے۔
واضح رہے کہ کشمیر، گلگت بلتستان اور دیگر پہاڑی علاقوں کیلئے تیل کی ترسیل کیلیے اس نوٹفیکیشن کا اطلاق نہیں ہو گا، ان علاقوں کیلیے اگلے مرحلے میں کرایوں میں اضافہ کیا جائے گا۔

Check Also

پاکستان میں معاشی ترقی کا عمل جاری رہے گا، ورلڈ بینک

اسلام آباد: عالمی بینک نے کہا ہے کہ رواں مالی سال 2017-18 کیلیے پاکستان کی ...

Leave a Reply

%d bloggers like this: