Home / World / سعودی عرب نے جرمنی سے اپنا سفیر احتجاجا واپس بلالیا

سعودی عرب نے جرمنی سے اپنا سفیر احتجاجا واپس بلالیا

یاض: سعودی عرب نے جرمنی کے دارالحکومت برلن میں تعینات اپنے سفیر کو احتجاجاً واپس بلالیا ہے۔
غیرملکی خبر ایجنسی کے مطابق جرمن وزیر خارجہ سگمار گیبرئیل نے اپنےلبنانی ہم منصب سے ملاقات کےدوران کہا تھا کہ سعودی عرب نے لبنان کے سابق وزیر اعظم سعد الحریری کو ان کی مرضی کے خلاف ریاض میں روک رکھا ہے۔
سعودی عرب نے متنازع بیان پراحتجاج کرتے ہوئے برلن میں اپنے سفیر کوواپس بلالیا ہے۔ سعودی عرب کا کہنا ہے کہ ایسے بے بنیاد الزامات سے خطے میں استحکام کو نقصان پہنچے گا۔ سعودی حکومت نے جرمنی کو اس متنازع اور بے بنیاد الزام پر احتجاجی مراسلہ بھی دینے کا فیصلہ کیا ہے۔
واضح رہے کہ اس سے قبل لبنانی صدر اور لبنان کی مسلح تنظیم حزب اللہ نے بھی سعودی عرب پر مستعفی وزیراعظم سعدالحریری کو سعودی عرب میں یرغمال بنانےاوراستعفیٰ دینے کے لیے دباؤ ڈالنے کا الزام عائد کیا تھا۔ جبکہ سابق وزیراعظم نے الزامات کی تردید کرتے ہوئے کہا تھا کہ وہ سعودی عرب میں مکمل آزاد ہیں اور اپنی زندگی کو لاحق خطرات کی وجہ سے عہدے سے مستعفی ہوئے ہیں۔

Check Also

بابری مسجد شہید کرنے والے سکھ نے قبول اسلام کے بعد 90 مساجد بنا دیں

نئی دہلی: بابری مسجد کو شہید کرنے والے سکھ نے قبول اسلام کے بعد 90 ...

Leave a Reply

%d bloggers like this: