Home / Pakistan / شہدائے ماڈل ٹاؤن کا خون رائیگاں نہیں جائیگا، آصف زرداری

شہدائے ماڈل ٹاؤن کا خون رائیگاں نہیں جائیگا، آصف زرداری

شلاہور: سابق صدر آصف زرداری نے کہا ہے کہ ماڈل ٹاؤن کے شہیدوں کا خون رائیگاں نہیں جائیگا۔

لاہور پہنچنے پر بلاول ہاؤس میں 17جنوری کے احتجاج کے حوالے سے مشاورتی اجلاس کی صدارت کرتے ہوئے آصف زرداری نے کہا ہے کہ پولیس گردی اور جبر پر مبنی شریفوںکا اقتدار آخری ہچکولے لے رہا ہے، لاہور کا جلسہ شہباز شریف کی رخصتی کا باعث بنے گا جب کہ ماڈل ٹاؤن کے شہیدوں کا خون رائیگاں نہیں جائیگا اور شریفوں کو اقتدار چھوڑنا پڑیگا۔ علاوہ ازیں پی پی رہنما قمر زمان کائرہ نے انتظامات کے حوالے سے بریفنگ دی۔

آصف زرداری نے ہدایت کی کہ لاہور اور پنجاب کے جیالے بہت بڑی تعداد میں جلسہ گاہ پہنچیں۔ انھوں نے کہا کہ سانحہ ماڈل ٹاؤن پر مزید انتظار نہیں کر سکتے، شہدا کو انصاف دلوا کر رہیں گے، شہباز شریف اور رانا ثناء اللہ عہدے چھوڑ کر خود کو احتساب کیلئے پیش کریں۔
آصف زرداری نے قائدین کو ہدایت کی کہ زیادہ سے زیادہ تعداد میں کارکنوں کو احتجاج میں شامل کیا جائے۔ انھوں نے کہا اب شہباز شریف کی حکومت مزید نہیں چل سکتی۔ آصف زرداری سے یوسف گیلانی اور مخدوم احمد محمود نے بھی ملاقات کی۔

علاوہ ازیں آصف زرداری نے بھارتی فوج کی جانب سے لائن آف کنٹرول پر بلااشتعال فائرنگ کی شدید مذمت کی ہے۔

Check Also

شہباز شریف نے چوہدری نثار کو سینیٹ انتخابات میں متحرک کردار ادا کرنے پر راضی کر لیا

وزیراعلیٰ پنجاب محمد شہباز شریف نے چوہدری نثار کو متحرک کردار ادا کرنے پر راضی ...

Leave a Reply

%d bloggers like this: