Home / Tech / فیس بک کا ’’نیوز فیڈ‘‘ میں بڑی تبدیلی پر غور

فیس بک کا ’’نیوز فیڈ‘‘ میں بڑی تبدیلی پر غور

سان فرانسسکو: دنیا کی سب سے بڑی سماجی رابطے کی ویب سائٹ فیس بک نے بزنس کے لیے علیحدہ نیوز فیڈنگ پر غور شروع کردیا۔
سماجی رابطے کی ویب سائٹ واٹس ایپ کے بعد اب فیس بک بھی بزنس کمیونٹی کے لیے اہم اقدامات کررہا ہے اور اس حوالے سے فیس بک انتظامیہ نے ’نیوز فیڈ‘ میں اہم تبدیلی کا عندیہ دیا ہے۔ فیس بک کے ’نیوز فیڈ‘ کے ذریعے صارفین تصاویر، ویڈیوز، پیغامات، فیملی ایونٹس، اشتہارات، مشہور شخصیات یا ادارے اپنی کمپنی سے متعلق مواد شیئر کرتے ہیں لیکن اب فیس بک انتظامیہ ’نیوز فیڈ‘ کو دو حصوں میں تقسیم کرنے پر غور کررہی ہے۔
رپورٹس کے مطابق فیس بک انتظامیہ اس نئے فیچر پر 6 چھوٹے ممالک بولیویا، کموڈیا، گوئٹےمالا، سربیا، سلواکیہ اور سری لنکا میں ٹیسٹ کررہی ہے جو ایک ماہ تک جاری رہے گا۔ اس ٹیسٹ کے دوران ایک نیوز فیڈ صرف دوستوں اور فیملی ممبران کے لیے رکھا گیا ہے جب کہ دوسرے نیوز فیڈ کو اشتہاری مواد کے لیے چھوڑا گیا ہے جسے کسی بھی کمپنی یا ادارے کے بنائے گئے پیچز اپنے استعمال میں لائیں گے۔

Check Also

چینی کمپنی کا سعودی عرب میں ڈرون ٹیکسی چلانے کا منصوبہ

ریاض: فلائنگ ٹیکسی بنانے والی چینی کمپنی نے کہا ہے کہ پہلی ڈرون ٹیکسی سال ...

Leave a Reply

%d bloggers like this: