Home / Pakistan / قومی سیاسی صورتحال کے پیش نظر ن لیگ نے 3 اہم فیصلے کرلیے

قومی سیاسی صورتحال کے پیش نظر ن لیگ نے 3 اہم فیصلے کرلیے

کراچی: حکمران جماعت پاکستان مسلم لیگ (ن) کی قیادت نے ملک کی مجموعی سیاسی صورتحال کے سبب 3 اہم فیصلے کرلیے ہیں۔
پاکستان مسلم لیگ (ن) کی قیادت کی جانب سے کیے گئے فیصلوں میں وفاقی حکومت کی جانب سے نئے احتساب قوانین سمیت اہم امور سے متعلق قانون سازی کو جلد ازجلد پارلیمنٹ سے منظور کرانا، شریف خاندان کے خلاف عدالتوں میں دائر احتساب ریفرنسز کے متوقع فیصلوں کے پیش نظر پارٹی کے تنظیمی اسٹرکچر میں فوری تبدیلی اور عام انتخابات کی تیاریوں کیلیے ’’ عوامی رابطہ مہم کا آغاز‘‘ شامل ہیں۔
مسلم لیگ (ن) کی قیادت نے قوانین کی منظوری کا ٹاسک ’’ وزیراعظم شاہد خاقان عباسی‘‘ ، عدالتی فیصلے ممکنہ طور پر شریف خاندان کے خلاف آنے کی صورت میں پارٹی سیٹ اپ میں تبدیلی کا ٹاسک’’ وزیراعلیٰ پنجاب شہباز شریف‘‘ اور عام انتخابات کی تیاریوں کیلیے فوری ’’ عوامی رابطہ مہم کے آغاز‘‘ کا ٹاسک سابق وزیر داخلہ چوہدری نثار علی خان اور دیگر اہم پارٹی رہنمائوں کو دے دیاہے۔

Check Also

شہباز شریف نے چوہدری نثار کو سینیٹ انتخابات میں متحرک کردار ادا کرنے پر راضی کر لیا

وزیراعلیٰ پنجاب محمد شہباز شریف نے چوہدری نثار کو متحرک کردار ادا کرنے پر راضی ...

Leave a Reply

%d bloggers like this: