Home / Pakistan / ملک میں امن کے لیے دہشت گردی کے خلاف فیصلہ کن جنگ لڑی، وزیراعظم

ملک میں امن کے لیے دہشت گردی کے خلاف فیصلہ کن جنگ لڑی، وزیراعظم

اسلام آباد: وزیراعظم شاہد خاقان عباسی کا کہنا ہے کہ حکومت نے دہشت گردی کے خلاف فیصلہ کن جنگ لڑی تاکہ امن قائم ہو۔
یومِ اقبال کے موقع پر اپنے پیغام میں وزیرِاعظم شاہد خاقان عباسی کا کہنا تھا کہ علامہ اقبال ہماری فکری روایات کا سب سے روشن حوالہ ہیں، اقبال نے مسلمانانِ ہند کو منزل کا سراغ دیا، اقبال کے افکار نے مایوسی اور ناامیدی کے ماحول میں امید کاچراغ روشن کیا اور شاعرِ مشرق نے نشاندہی کی کہ جدید اسلامی مملکت کو کیا کیا چیلنج درپیش ہوسکتے ہیں جب کہ علامہ اقبال نے مسلم ریاستوں کوجمہوری اصولوں کی بنیاد پرسیاسی تشکیل نو کی راہ دکھائی۔
وزیراعظم کا کہنا تھا کہ پاکستان مسلم لیگ عوام کی رائے کا احترام کرتے ہوئے مسائل کا حل چاہتی ہے، حکومت نے دہشت گردی کے خلاف فیصلہ کن جنگ لڑی تاکہ امن قائم ہو، حکومت نے ملک کی معیشت کو استحکام دیا تاکہ ترقی کے مواقع فراہم ہوں، حکومت نے مضبوط انفراسٹرکچر دیا تاکہ روزگار پیدا ہو۔ خودی کی حفاظت سیاسی استحکام اور معاشی خود کفالت کے بغیر نہیں ہو سکتی، اقبال کی فکر سے یکجہتی کا تقاضا ہے کہ پاکستانی فساد و انتشار کی قوتوں کے خلاف متحد ہوں۔

لائک

Check Also

شہباز شریف نے چوہدری نثار کو سینیٹ انتخابات میں متحرک کردار ادا کرنے پر راضی کر لیا

وزیراعلیٰ پنجاب محمد شہباز شریف نے چوہدری نثار کو متحرک کردار ادا کرنے پر راضی ...

Leave a Reply

%d bloggers like this: