Home / Tech / نظام شمسی میں ایک اور خاصا بڑا سیارہ موجود ہے: امریکی تحقیق
solar system found new 9 planet

نظام شمسی میں ایک اور خاصا بڑا سیارہ موجود ہے: امریکی تحقیق

امریکہ کے سائنسی تحقیقاتی ادارے کیلیفورنیا انسٹیٹیوٹ آف ٹیکنالوجی (کیل ٹیک) کے محققین کو ایسے ثبوت ملے ہیں جن کی بنیاد پر کہا جا سکتا ہے کہ نظام شمسی میں ایک اور خاصا بڑا سیارہ موجود ہے۔
ایک اندازے کے مطابق یہ نیپچون کے حجم جتنا بڑا سیارہ ہے جو ہمارے سورج کے گرد چکر لگاتا ہے اور اس کا مدار پلوٹو سے خاصا دور ہے۔
اس سیارے کو محققین نے ‘پلینٹ نائن’ کا نام دیا ہے اور یہ زمین کے مقابلے میں 10 گنا بڑا اور اس کا مدار نیپچون کے مقابلے میں سورج سے 20 گنا دور ہے۔
اسے سورج کے گرد اپنا ایک چکر مکمل کرنے میں 10 سے 20 ہزار زمینی سال لگ سکتے ہیں۔
امریکی خلائی ادارے ناسا کے مطابق اس اعلان کا مقصد یہ نہیں کہ یقینی طور پر ہمارے نظامِ شمسی میں ایک نیا سیارہ موجود ہے۔ دور خلا میں اس دنیا کی موجودگی فی الحال صرف ایک نظریے کی حد تک ہی ہے اور اب تک اس نویں سیارے کا مشاہدہ نہیں کیا جا سکا ہے۔
ماہر فلکیات اب اس سیارے کو نظام شمسی میں تلاش کررہے ہیں جس کی پیش گوئی تحقیق دانوں نے کی ہے۔

Check Also

چینی کمپنی کا سعودی عرب میں ڈرون ٹیکسی چلانے کا منصوبہ

ریاض: فلائنگ ٹیکسی بنانے والی چینی کمپنی نے کہا ہے کہ پہلی ڈرون ٹیکسی سال ...

Leave a Reply

%d bloggers like this: