Home / World / نیٹو کا افغانستان میں مزید 3 ہزار فوجی بھیجنے کا اعلان

نیٹو کا افغانستان میں مزید 3 ہزار فوجی بھیجنے کا اعلان

برسلز: نیٹو نے افغانستان میں مزید 3 ہزار فوجی بھیجنے کا اعلان کیا ہے۔
غیرملکی خبررساں ایجنسی کے مطابق نیٹو کے جنرل سیکرٹری جنرل جینس اسٹالٹنبرگ کی جانب سے یہ اعلان برسلز میں نیٹو کے وزرائے دفاع کے اہم اجلاس سے ایک روز قبل کیاگیا ہے۔ انہوں نے کہا کہ افغانستان میں نیٹو کے مزید 3 ہزار فوجی بھیجے جارہے ہیں جس میں 1500امریکی جب کہ باقی 1500اتحادی ممالک کے اہلکار ہوں گے۔
یہ خبربھی پڑھیں: امریکا کی پاکستان کو نان نیٹو اتحادی حیثیت ختم کرنے کی دھمکی
جنرل جینس اسٹالٹنبرگ نے کہا کہ افغانستان جانے والا نیا فوجی دستہ جنگی آپریشنز یا دہشت گردوں کے خلاف کارروائیوں میں براہ راست حصہ نہیں لے گا بلکہ نئی کمک کا مشن افغان سیکورٹی فورسزکی تربیت اور دیگر امور میں معاونت کرنا ہے۔ انہوں نے کہا کہ نیٹو افواج افغانستان میں اپنی موجودگی کا احساس دلانا چاہتا ہے تاکہ دہشت گردوں کے خلاف جاری جنگ میں آنے والے جمود کو توڑ کرافغان فورسز کی مزید مدد کی جائے جب کہ یہ طالبان کے لیے واضح پیغام ہے کہ وہ کبھی یہ جنگ نہیں جیت سکتے۔
جنرل جینس کے مطابق اس وقت افغانستان میں نیٹو فوج کے 13000اہلکار موجود ہیں اور مزید 3000فوجیوں کی آمد سے یہ نفری 16000ہوجائے گی۔

Check Also

بابری مسجد شہید کرنے والے سکھ نے قبول اسلام کے بعد 90 مساجد بنا دیں

نئی دہلی: بابری مسجد کو شہید کرنے والے سکھ نے قبول اسلام کے بعد 90 ...

Leave a Reply

%d bloggers like this: